Özbegistan Respublikasynyň ulag ministri Ilhom Mahkamow Aşgabat şäherinde saparda boldy.

Saparyň çäklerinde ministr Türkmenistanyň Ministrler Kabinetiniň ýanyndaky Ulag we kommunikasiýalar agentliginiň Baş direktory Mämmethan Çakyýew bilen gepleşikleri geçirdi.

Duşuşykda ulag pudagynda hyzmatdaşlygy ösdürmegiň geljegi ara alnyp maslahatlaşyldy. Hususan-da, taraplar ýük daşamak işinde ýüze çykýan käbir kynçylyklary aradan aýyrmak bilen ulag we üstaşyr aragatnaşygyny giňeltmek barada pikir alyşdylar.