21 — 26-njy noýabr aralygynda Germaniýanyň maşyngurluşykçylar Bileleşiginiň söwda wekiliýeti (VDMA) Türkmenistana geler. Bu barada «Monforts» kompaniýasynyň metbugat gullugyna salgylanyp, «News Central Asia» neşiri habar berýär.

Hyzmatdaş myhmanlar Türkmenistana Germaniýanyň Federal Ykdysadyýet ministrliginiň adyndan gelerler.

«Monforts» kompaniýasynyň dolandyryjy direktory Stefan Flet bu ugurdaky hyzmatdaşlyk barada şeýle belleýär: «Türkmenistanyň Dokma senagaty ministrliginiň Kakadaky täze dokma toplumy hem-de Babadaýhandaky zawod, şeýle-de beýleki soňky taslamalar üçin «Monforts» kompaniýasynyň enjamlaryny saýlandygyna begenýäris. Häzirki wagtda ýurtda 15 sany «Monforts» maşynynyň gurnalandygyny-da buýsanç bilen belläsimiz gelýär».

«Monforts» kompaniýasynyň dokma pudagyna degişli döwrebap tehnikalary öndürijileriň biridigini nygtamak gerek.